是咁的，話說小弟我14年8月過左墨爾本，諗住擺脫滿街既強國人，順便離開香港呢咁腐爛政府既監控，點知去到澳洲先發現強國之強，強國之所以被稱為強國就係因為佢真係好強，咁點先強呀? 人多咪夠強囉，咁強國咁多人我又點可能擺脫到佢地呢? 傻豬黎既，所以係墨爾本生活咁耐，始終講得最多既都係學極唔識極爛既港式煲東瓜

而係15年年初既時候去左烏魯魯玩URULU玩,講曬中英文大家都未必知係邊度架喇,簡單D講就係世人所認知既一大舊紅色石頭啦! 呢舊紅石位於澳洲既中部，當年日本果套在世界中心呼喚愛都係取材於呢度，亦令呢個地方小有名氣

由於烏魯魯本身係屬於當地原住民既地方，隻係佢地將呢個租俾澳洲政府，澳洲政府都唔想呢個地方過度開發，破壞大自然既風景，所以呢度係無任何鐵路系統，隻係有AATKING提供既免費接送來往各酒店同TOWN CENTRE，要去其他境點就隻可以靠租車或者報團，當然你有能力學電波少年咁截順車接送都無問題既

去呢個地方之前一定要做足功課，如果唔係黎到都真係唔知點玩，我地就係去呢個地方之前搵到一間澳洲自由行旅行社FIT TRAVEL，報左一個三日兩夜既CAMPING TOUR，幸好有報到佢地既團，因為呢個團先真真正正帶我脫離強國人既懷抱三天，足足三日咁多呀，真係差D感動到喊，一團接近二十人，咩國藉都有，韓妹，俄羅斯妹，法國妹，澳洲妹，再聽唔到普通話，全部都可以用英文溝通，終於有機會俾我好好發揮一下學習左幾十年既英文

第一日中午導遊就去到YHA接送，第一站就到達當地文化村，了解一下土著文化同烏魯魯既歷史，由於文化中心唔俾影相，所以想睇下入面有乜東東就隻好自行參觀喇，下一站就出發前往NATIONAL PARK，亦即係舊大紅石既所在地，去到烏魯魯既時候遇到十年難得一遇既大暴雨，不過十年其實係我吹出黎既姐，但烏魯魯的確屬於沙漠地區，要遇到大雨唔係咁易，不過亦因為呢場大雨，令我地見到整舊石頭都有瀑布,非常莊觀，導遊亦俾機會我地落車圍住呢舊大石行，之後夜晚就去到營地，重頭戲黎喇，因為呢個團就係主打可以係烏魯魯呢個可以話係零光害既地方，係一片星海銀河包圍之下露營，機本上呢個世上都無乜幾多地方適合咁樣做，可惜當晚我係無咁樣做到，因為夜晚仍然落緊雨，營地隔離有個俾大家欣賞日落既LOOK OUT

第二日一早又係可以去個LOOK OUT睇日出，食個營養早餐之後就出發去越風之谷，呢度的確無改錯名，因而真係好大風，但都不妨挑戰一下大自然，逆風行下呢個山谷，回頭欣賞下呢個漂亮既山谷，之後就繼續開車去國王溪站，晚餐可以食到圍火澳式燒烤，好多野食，重係我人生第一次食袋鼠肉，口味比較重既朋友可以試下哦!
第三日就出發前往內陸地區最莊觀既國王峽谷，睇行程介紹可以沿途參觀自然露天劇場，南北牆同埋伊甸園異國情調花園，可惜當時因為之前落既幾日大雨，條路比水浸左，唯有無奈地結束行程，返返去烏魯魯YHA休息啦

呢個行程令我印象非常深刻，因為係我人生第一次去沙漠地區，第一次露營，亦都第一次係同一個地方睇到咁多莊觀既瀑布，最緊要，最緊要一點我有同其他團友比較過，係FIT TRAVEL報團個價錢真係好優惠，而且非常方便，隻要上返佢地個網址www.fittravel.com.au報名就可以，之後PRINT返張CONFIRMATION出黎就搞掂，唔洗親自去搵旅行社，同埋最重要係夠平! 服務又好! 所以之後去大堡礁，去塔斯曼尼亞都係搵返FITTRAVEL。

最新文章

西澳必去打卡合影的微笑大使 — Quokka 微笑小袋鼠

探索西澳的美酒之鄉 — 瑪格麗特河(Margaret River)

探索西澳的天堂之島 — 羅特尼斯島(Rottnest Island)

西澳著名景點之一 — 波浪岩的神奇之處

西澳尖峰石陣(The Pinnacles)是怎麼形成的？