黎左澳洲咁耐，終於有機會可以叉電，難得既係可以同兩個ｘｘ（請相關人士自行填寫）一齊，呢個情況同以前中學畢業去長洲過夜冇分別，一樣笑料不絕，kai既繼續kai, 喪的繼續喪，唯一唔同既係，地點唔係長洲，係澳洲！！

到左cairns之前，我已經搜尋好不同旅行社的相關資料，經朋友及網上推介後，我選擇了澳洲自由行旅行社FIT Travel（www.fittravel.com.au）因為相對比較便宜，而且配合度高，為我地度出新奇刺激好玩的旅程──跳傘，潛水，激流！！你地都可以上去網頁睇下，如果有特別要求，可以電郵佢地話你知你要既野，佢地會幫你編寫適合你既旅程！！

第一日係跳傘，應該係咁多個活動中最激既活動，難得黎澳洲，梗係乜都試啦！我諗成個過程最驚既，唔係跳落黎既個一 下，而係準備跳既過程，由早上等巴士到達目的地，個心都會蔔蔔咁跳（可能我細膽啦）．去到著曬裝備，等待上機，再到機上等待，就係最攞命既時候．最過癮就 係你睇住你既朋友跳樓，唔係，係跳機個一下，你心裏面會想，仲會唔會見到佢？答案都未諗到，下一個就到我啦！好快就已經用一個體操選手既前空翻加自轉360跳 機，開頭個幾秒係最驚既，但係好快你就會適應左，然後你會諗，究竟有咩動作可以對住個鐘頭做呢？想跳傘既朋友仔，你地都可以諗定先！！細細個讀書個陣，讀 到有篇課文講個小朋友搭飛機途中，順手帶走一片雲，而家我直頭穿越雲層，原來係一陣冷冰冰的感覺，呢種感覺應該唔會再試到第二次，當有機會試，就好好記住 佢啦，當然，前空翻加自轉360都要記住啦，平時做左一半你已經係地下．．．

第二日就係潛水，黎到世上最出名的大堡礁，梗係要試下潛水落去睇下有啲咩野啦！除了珊瑚，還是珊瑚，仲有小醜魚 既！！係海底既感覺好平靜，城市人壓力咁大，應該要搵個地方舒緩一下架啦！潛完水後，仲可以玩埋浮潛，如果你夠大膽同熟水性，都可以潛入海底再次近距離觀 望珊瑚，亦都可以同海洋動物玩遊戲，係魚缸外面望魚遊黎遊去就見得多，而家係係個大魚缸入面同啲魚一齊遊就真係唔係咁多機會啦，哈哈！

最後一個活動就是激流，亦都係最好玩的日個活動，咁好玩除了本身鐘意玩水外，教練亦都係一個好重要既因素，風趣幽 默靚仔又玩得（利申：我係鐘意女人的），所以呢個激流特別深刻，比上次在馬來西亞的沙巴玩的那一次，更加好玩．而且中間有一個環節，係俾我地自由選擇的， 就是上崖後跳崖，睇落好似好易咁，跳一跳就到水裏，好簡單，但係到你跳既時候，你隻腳就好似樹根咁，離唔開個石頭．當然，最後成功刻心理恐懼，完成呢個創 舉啦！

呢一個旅程感受好深，除了活動好玩刺激，更加主要的原因係你同邊個去玩．去邊度做乜野，冇所謂，最緊要就係同到一班志同道合，乜野都講得既朋友一齊去，個旅程先會美滿！

因為激流冇帶相機既關係，所以係冇相既，但係真係好值得去玩，如果有錢既話，我都想玩多一次！！！！

最新文章

西澳必去打卡合影的微笑大使 — Quokka 微笑小袋鼠

探索西澳的美酒之鄉 — 瑪格麗特河(Margaret River)

探索西澳的天堂之島 — 羅特尼斯島(Rottnest Island)

西澳著名景點之一 — 波浪岩的神奇之處

西澳尖峰石陣(The Pinnacles)是怎麼形成的？