黎左澳洲咁耐，终于有机会可以叉电，难得既係可以同两个ｘｘ（请相关人士自行填写）一齐，呢个情况同以前中学毕业去长洲过夜冇分别，一样笑料不绝，kai既继续kai, 丧的继续丧，唯一唔同既係，地点唔係长洲，係澳洲！！

到左cairns之前，我已经搜寻好不同旅行社的相关资料，经朋友及网上推介后，我选择了澳洲自由行旅行社FIT Travel（www.fittravel.com.au）因为相对比较便宜，而且配合度高，为我地度出新奇刺激好玩的旅程──跳伞，潜水，激流！！你地都可以上去网页睇下，如果有特别要求，可以电邮佢地话你知你要既野，佢地会帮你编写适合你既旅程！！

第一日係跳伞，应该係咁多个活动中最激既活动，难得黎澳洲，梗係乜都试啦！我諗成个过程最惊既，唔係跳落黎既个一 下，而係准备跳既过程，由早上等巴士到达目的地，个心都会卜卜咁跳（可能我细胆啦）．去到著晒装备，等待上机，再到机上等待，就係最攞命既时候．最过瘾就 係你睇住你既朋友跳楼，唔係，係跳机个一下，你心里面会想，仲会唔会见到佢？答案都未諗到，下一个就到我啦！好快就已经用一个体操选手既前空翻加自转360跳 机，开头个几秒係最惊既，但係好快你就会适应左，然后你会諗，究竟有咩动作可以对住个钟头做呢？想跳伞既朋友仔，你地都可以諗定先！！细细个读书个阵，读 到有篇课文讲个小朋友搭飞机途中，顺手带走一片云，而家我直头穿越云层，原来係一阵冷冰冰的感觉，呢种感觉应该唔会再试到第二次，当有机会试，就好好记住 佢啦，当然，前空翻加自转360都要记住啦，平时做左一半你已经係地下．．．

第二日就係潜水，黎到世上最出名的大堡礁，梗係要试下潜水落去睇下有啲咩野啦！除了珊瑚，还是珊瑚，仲有小丑鱼 既！！係海底既感觉好平静，城市人压力咁大，应该要搵个地方舒缓一下架啦！潜完水后，仲可以玩埋浮潜，如果你够大胆同熟水性，都可以潜入海底再次近距离观 望珊瑚，亦都可以同海洋动物玩游戏，係鱼缸外面望鱼游黎游去就见得多，而家係係个大鱼缸入面同啲鱼一齐游就真係唔係咁多机会啦，哈哈！

最后一个活动就是激流，亦都係最好玩的日个活动，咁好玩除了本身钟意玩水外，教练亦都係一个好重要既因素，风趣幽 默靚仔又玩得（利申：我係钟意女人的），所以呢个激流特别深刻，比上次在马来西亚的沙巴玩的那一次，更加好玩．而且中间有一个环节，係俾我地自由选择的， 就是上崖后跳崖，睇落好似好易咁，跳一跳就到水里，好简单，但係到你跳既时候，你只脚就好似树根咁，离唔开个石头．当然，最后成功刻心理恐惧，完成呢个创 举啦！

呢一个旅程感受好深，除了活动好玩刺激，更加主要的原因係你同边个去玩．去边度做乜野，冇所谓，最紧要就係同到一班志同道合，乜野都讲得既朋友一齐去，个旅程先会美满！

因为激流冇带相机既关係，所以係冇相既，但係真係好值得去玩，如果有钱既话，我都想玩多一次！！！！

最新文章

舌尖上的阿德莱德│南半球最大中央市场+品味世界顶级葡萄酒5天4夜游

献给瑜珈冥想爱好者：现代生活压力山大？珀斯玛格丽特河疗癒之旅在等妳！

墨尔本深度5日游：大洋路、企鹅岛、蒸汽小火车，全包！

宠物游船指南：在澳洲四大城市享受水上乐趣